கள்ளக்குறிச்சியில் வாக்களிப்பதை குறித்து விழிப்புணர்வு

 மாவட்ட தேர்தல் நடத்தும் அலுவலர் கலெக்டர் ஷ்ரவன்குமார் அறிவுறுத்தல்படி, மாவட்டம் முழுவதும் கள்ளக்குறிச்சி நகர பகுதி, ரிஷிவந்தியம், சங்கராபுரம், வாணாபுரம் உள்ளிட்ட மாவட்டத்தின் பல்வேறு இடங்களில் வாக்காளர்கள் 100 சதவீதம் ஓட்டளிப்பதை வலியுறுத்தி விழிப்புணர்வு ஏற்படுத்தப்படுகிறது. அதன்படி குழந்தைகள் வளர்ச்சித் திட்டப் பணிகள் சார்பில், குழந்தைகள் நல மைய பணியாளர்களைக் கொண்டு, வீடுகளுக்கு கொண்டு செல்லும் காஸ் சிலிண்டர்கள், குடிநீர் கேன்கள், பஸ்கள், வாகனங்கள் ஆகியவற்றில் விழிப்புணர்வு ஒட்டுவில்லைகளை ஒட்டியும், துண்டு பிரசுரங்களை வழங்கியும் வாக்காளர்கள் மற்றும் பொதுமக்களுக்கு விநியோகித்து விழிப்புணர்வு ஏற்படுத்தினர்.