ஓட்டுனர் தற்கொலை - காவல்துறையினர் விசாரணை !

தர்மபுரி மாவட்டம் மற்றும் சட்டமன்ற தொகுதிக்கு உட்பட்ட நல்லம்பள்ளி அருகே குடிப்பட்டி தேசிய நெடுஞ்சாலை மேம்பாலத்தை யொட்டி உள்ள சர்வீஸ் சாலையோரம் வாயில் நுரை தள்ளியபடி 40 வயது மதிக்கத்தக்க ஆண் ஒருவர் இறந்து கிடப்பதாக அதியமான் கோட்டை போலீசாருக்கு தகவல் கிடைத்தது.

அதன்பேரில் சம்பவ இடத்திற்கு சென்ற போலீசார் இறந்த ஆணின் உடலை கைப்பற்றி பிரேத பரிசோதனைக்காக தர்மபுரி அரசு மருத்துவமனைக்கு அனுப்பி வைத்தனர்.

போலீசாரின் முதற்கட்ட விசாரணையில் இறந்து கிடந்தவர் தர்மபுரி மாவட்டம் அரூர் வட்டத்துக்கு உட்பட்ட சுண்டாங்கிப்பட்டி கிராமத்தை சேர்ந்த லாரி டிரைவர் கார்த்திகேயன் என்பதும், இவருக்கு திருமணமாகி மனைவி, மகன், மகள் உள்ளனர் என்பது தெரிய வந்தது.

டிரைவர் கார்த்திகேயன் தற்கொலை செய்துகொண்ட காரணம் குறித்து அதியமான்கோட்டை போலீசார் வழக்குப்பதிவு செய்து விசாரணை நடத்தி வருகின்றனர்.