சிறுமி கடத்தல், கொலை மிரட்டல் - கிராம மக்கள் சாலை மறியல்

பெரம்பலூர் மாவட்டம் சு.ஆடுதுறை சேர்ந்த 12 வயது சிறுமி கடந்த பிப்ரவரி 24ஆம் தேதி, சு.ஆடுதுறையில் உள்ள குற்றம் பொருத்தீஸ்வரர் கோவிலில், நடந்த மாசி மகம் திருவிழாவிற்கு சென்று விட்டு மீண்டும், வீட்டிற்கு வந்தவர், இயற்கை உபாதை கழிக்க அருகே தோட்டத்திற்கு சென்றுள்ளார் அப்போது அங்கே மறைந்திருந்த இரண்டு இளைஞர்கள் சிறுமியை கோனி சாக்கு மாட்டி கட்டித் தூக்கிச் சென்றுள்ளனர். சற்று தொலைவிற்கு சென்றவர்கள் சாக்கு பிரித்து சிறுமியை வெளியே எடுத்த பொழுது அந்த சிறுமி இரண்டு நபர்களில் ஒருவரை கடித்து விட்டு, மற்றொருவரை தள்ளிவிட்டும் வீட்டிற்கு ஓடிவந்து நடந்ததை பெற்றோர்கள் மற்றும் உறவினர்களும் கூறியுள்ளார்,

இதுகுறித்து சிறுமியின் பெற்றோர்கள் மங்களமேடு காவல் நிலையத்தில் கொடுத்த புகாரின் பேரில் வழக்கு பதிவு செய்த கடத்திச் சென்ற இளைஞர்களை தேடி வந்த நிலையில் . பிப்ரவரி 25ஆம் தேதி ஒரு சில நபர்களை சந்தேகம் அடைந்து அவர்களை அழைத்து வந்து சிறுமியிடம் அடையாளம் கேட்டுள்ளனர் அதில் ஒருவரை அடையாளம் தெரிவித்துள்ளனர். அந்த அடையாளத்தின் படி அவர் கடலூர் மாவட்டம் திட்டக்குடி பொடையூர் கிராமத்தைச் சேர்ந்த பிச்சைபிள்ளை மகன் ஹரிஹரன் வயது 20 என்பது தெரிய வந்தது. இதனை தொடர்ந்து அவரிடம் விசாரணை செய்த நிலையில், ஹரிஹரநின்  பெற்றோர்கள் சிறுமியின் வீட்டிற்கு வந்து பெற்றோரிடம் தங்களது மகனை எப்படி அடையாளம் காட்டுவீர்கள் என்று கொலை மிரட்டல் விடுத்து சென்றனர்,

இதனால் ஆத்திரம் அடைந்த சிறுமியின் உறவினர்கள் பெற்றோர்கள் மற்றும் கிராம பொதுமக்கள், பிப்ரவரி 26 ஆம் தேதி சு. ஆடுதுறையில் அரசு மேல்நிலைப்பள்ளி முன்பு பெரம்பலூர் - அகரம் சீகூர் சாலையில், சிறுமியை கடத்திய, சம்பந்தப்பட்ட நபர் மீது நடவடிக்கை எடுக்க வலியுறுத்தி சாலை மறியலில் ஈடுபட்டனர் இதனால், அப்பகுதியில் போக்குவரத்து பாதிக்கப்பட்டது இது குறித்து தகவல் அறிந்த மங்களமேடு போலீசார் சம்பவ இடத்திற்கு சென்று, சாலை மறியல் ஈடுபட்டவர்களிடம் பேச்சுவார்த்தை நடத்தி,நடவடிக்கை எடுப்பதாக உறுதி அளித்ததை தொடர்ந்துசாலை மறியல் கைவிடப்பட்டது . மேலும் போலீஸ் விசாரணையில், சிறுமியை கடத்திய இரண்டு இளைஞர்கள் கஞ்சா போதையில் இருந்ததும். பெண்னை பாலியல் பலாத்காரம் செய்ய முயன்றதும் தெரியவந்துள்ளது.