தடுப்புக் கட்டையில் பைக் மோதிய விபத்தில் ஒருவர் பலி !

விழுப்புரம் அடுத்த வி.அகரம் பகுதியை சேர்ந்த காசிநாதன் மகன் வெங்கடேசன்(45) இவர் கூலி வேலை செய்து வருகிறார். இந்நிலையில் கடந்த 2ம் தேதி தனது பைக்கில் கோலியனூரிலிருந்து பண்ருட்டி நோக்கி ஏ.கே.குச்சிபாளையம் அருகே சென்று கொண்டிருந்தபோது நிலைதடுமாறி தடுப்புக் கட்டையில் மோதியதில் பலத்த காயமடைந்தார். அருகிலிருந்தவர்க்ள காப்பாற்றி ஆம்புலன்ஸ் மூலம் முண்டியம்பாக்கம் அரசு மருத்துவமனைக்கு அனுப்பி வைத்தனர். அங்கு சிகிச்சை பெற்று வந்த வெங்கடேசன் நேற்று சிகிச்சை பலனின்றி பலியானார். இது குறித்து அவரது மகன் தவசிநாத் கொடுத்த புகாரின் பேரில் வளவனூர் போலீசார் வழக்கு பதிந்து விசாரணை செய்து வருகின்றனர்.