பொங்கல் விழா : சிவன் கோவிலில் சிறப்பு வழிபாடு

தமிழர் திருநாளான பொங்கல் பண்டிகை இன்று உற்சாகமாக கொண்டாடப்பட்டு வருகிறது இதை தொடர்ந்து வீடுகளில் பொங்கல் வைத்து சூரிய பகவானை வழிபட்ட பொதுமக்கள் புத்தாடை அணிந்து ஆலயங்களுக்கு சென்று வழிபாடு நடத்தி வருகின்றனர். தூத்துக்குடியில் உள்ள பழமையான பாகம் பிரியாள் உடனுறை சங்கர ராமேஸ்வரர் ஆலயத்தில் பொங்கல் பண்டிகையை முன்னிட்டு ஆலய வளாகத்தில் செங்கரும்புகளால் அலங்காரம் செய்யப்பட்டு சுவாமி மற்றும் அம்பாள் மலர்களால் அலங்கரிக்கப்பட்டு சிறப்பு பூஜை நடைபெற்றது. ஏராளமான பக்தர்கள் நீண்ட வரிசையில் நின்றபடி அம்பாள் மற்றும் சாமியை தரிசனம் செய்து வருகின்றனர்.