ஆர்.கே.பேட்டை ஒன்றியத்தில் 1,600 கால்நடைகளுக்கு சிகிச்சை

திருவள்ளூர் மாவட்டம்  ஆர்.கே.பேட்டை ஒன்றியம், பாலாபுரம் கால்நடை மருந்தகத்திற்கு உட்பட்ட ஜனகராஜகுப்பம், நீலோத்பால்புரம் ஊரசாட்சிகளில் நேற்று சிறப்பு கால்நடை மருத்தவ முகாம் நடந்தது. திருத்தணி கோட்ட கால்நடை உதவி இயக்குனர் தாமோதரன் தலைமையிலான மருத்துவ குழுவினர் இதில் பங்கேற்றனர். இதில், செயற்கை கருவூட்டல், குடற்புழு நீக்கம், தடுப்பூசி உள்ளிட்ட பல்வேறு பரிசோதனை மற்றும் சிகிச்சை அளிக்கப்பட்டது. இரண்டு முகாம்களிலும் ஒட்டுமொத்தமாக, 1,600 கால்நடைகளுக்கு சிகிச்சை மற்றும் பரிசோதனைகள் மேற்கொள்ளப்பட்டன. மேலும், கால்நடை பராமரிப்பு குறித்த விழிப்புணர்வு பேரணியும் நடத்தப்பட்டது. சிறப்பாக கால்நடைகளை பராமரிக்கும் விவசாயிகளுக்கு பரிசு மற்றும் சான்று வழங்கப்பட்டது.