குமரி : கொலை வழக்கில் இருவர் கைது

குமரி மாவட்டம் கருங்கல் அருகே பூவன்சந்தி பகுதியை சேர்ந்தவர் சுரேஷ் குமார் (44) பெயிண்டிங் தொழிலாளி. கடந்த 1ஆம் தேதி கருங்கல் பஸ்நிலையம் அருகில் உள்ள டாஸ்மாக் கடைக்கு மது அங்கு சென்றபோது, அதே பகுதி ஆர் சி தெருவை சேர்ந்த சுபாஷ் என்ற ஜான் பால் ( 30 ), ஜான் கபோர்டு (37) ஜெனிபர் (32) அனஞ்சிக்கோடு பகுதி மகேஷ் (35) மேலும் கண்டால் தெரியும் ஒருவர் என ஐந்து பேர் சுரேஷ்குமார் வழி மறித்து குடிக்க பணம் கேட்டுள்ளனர்.பணம் கொடுக்க மறுத்ததால் ஐந்து பேரும் சுரேஷ்குமாரை தாக்கினர்.

படுகாயம் அடைந்த சுரேஷ்குமார் ஆசாரிபள்ளம் அரசு மருத்துவக் கல்லூரியில் அனுமதிக்கப்பட்டார்.கருங்கல் போலீசார் வழக்கு பதிவுசெய்து விசாரித்து வந்தனர். இந்த நிலையில் சிகிச்சை பலனின்றி சுரேஷ்குமார் இறந்தார். போலீசார் இந்த வழக்கை கொலை வழக்காக மாற்றி குற்றவாளிகளை தேடி வந்தனர்.இந்த நிலையில் ஜான் கபோர்டு, சுரேஷ் ராஜன் (32) ஆகியோரை போலீசார் கைது செய்தனர். இருவரையும் இரணியல் நீதிமன்றத்தில் ஆஜர் படுத்திய போலீசார் நீதிபதி உத்தரவின் பேரில் நாகர்கோவில் சிறையில் அடைத்தனர்.