வாணியம்பாடி அருகே தொடர் திருட்டில் ஈடுப்பட்டு இருவர் கைது!

திருப்பத்தூர் மாவட்டம் வாணியம்பாடி அருகே தொடர் திருட்டில் ஈடுப்பட்டு இருவர் கைது! எஸ் பி தனிபடை போலீசார் நடவடிக்கை திருப்பத்தூர் மாவட்டம், வாணியம்பாடி அடுத்த மேட்டுப்பாளையம் பகுதியில் திருப்பத்தூர் மாவட்ட எஸ்பி ஸ்ரேயா குப்தா உத்தரவின் பேரில் தனிப்பட்ட போலீசார் வாகன தணிக்கையில் ஈடுபட்டிருந்தனர். அப்பொழுது அவ்வழியாக பைக்கில் வந்த இரண்டு இளைஞர்களை நிறுத்தி விசாரித்ததில் முன்னுக்கு பின்னாக பதில் அளித்துள்ளனர். இதனால் சந்தேகம் அடைந்த போலீசார் இருவரையும் அம்பலூர் ‌காவல் நிலையம் அழைத்து சென்று விசாரணை மேற்கொண்டதில் வாணியம்பாடி அடுத்த உதயேந்திரம் பகுதியை சேர்ந்த சந்திப் (19) மற்றும் அம்பூர்பேட்டை பகுதியை சேர்ந்த லோகேஷ் (20) ஆகியோர் என்பதும் இவர்கள் தேசிய நெடுஞ்சாலையில் தனியாகச் செல்லும் நபர்களிடம் செல்போன் பறிப்பில் ஈடுபடுவதும் , ஆள் நடமாட்டம் இல்லாத கோயில்களில் திருட்டு சம்பவத்தில் ஈடுபடுவதும் ஒப்புக்கொண்டனர். மேலும் இவர்களிடமிருந்து பித்தளை 4 குத்துவிளக்கு, தங்க நகை இரண்டு கிராம் தங்க நகைகள் இருசக்கர வாகனம் ஆகியவற்றை பறிமுதல் செய்தனர். இதனைத் தொடர்ந்து இருவர் மீது அம்பலூர் காவல்துறையினர் வழக்கு பதிவு செய்து நீதிமன்ற நடுவர் முன் ஆஜர் படுத்தி சிறையில் அடைத்தனர்.