மரத்தில் கார் மோதி நான்கு பேர் படுகாயம்  

கர்நாடக மாநிலம் பெங்களூரை சேர்ந்தவர் சந்திரசேகரன், 48. தனியார் நிறுவன பணியாளர். இவரும், இவரது மனைவி அன்னபூர்ணா, 47, இவரது சகோதரி நாகரத்தினம், 62, சந்திரசேகரன் மகன், மனோகரன், 21, ஆகிய நால்வரும், நாகரத்தினம் மகனுக்கு சொந்தமான ஹோண்டா எஸ்டெக்ஸ் காரில்  கேரளா மாநிலம் குருவாயூர், கோவிலுக்கு சென்று விட்டு, திரும்ப பெங்களூர் திரும்பிக் கொண்டிருந்தனர். காரை மனோகரன் ஒட்டி வந்தார். அக்.19ல் மாலை 06:30 மணியளவில் குமாரபாளையம் அருகே பல்லக்காபாளையம் தனியார் கல்லூரி பகுதிக்கு வந்த போது, நாய் ஒன்று குறுக்கே ஓட, மனோகரன் திடீரென்று பிரேக் போட, கட்டுபாட்டை இழந்த கார் அருகே இருந்த வேப்ப மரத்தில் மோதியது. இதில் நால்வரும் படுகாயமடைந்து ஈரோடு தனியார் மருத்துவமனையில் சிகிச்சைக்காக சேர்க்கப்பட்டனர். இது குறித்து குமாரபாளையம் போலீசார் வழக்குப்பதிவு செய்து விசாரணை செய்து வருகிறார்கள்.