அறந்தாங்கி அருகே உள்ள மும்பாலை ஊராட்சியில் என் வாக்குச்சாவடி வெற்றி வாக்குச்சாவடி பரப்புரை கூட்டம்!!

அறந்தாங்கி சட்டமன்றத் தொகுதிக்கு உட்பட்ட மனமேல்குடி வடக்கு ஒன்றிய திமுக சார்பில் மும்பாலை ஊராட்சியில் என் வாக்குச்சாவடி வெற்றி வாக்குச் சாவடி திமுக பரப்புரை கூட்டம் நடைபெற்றது. கூட்டத்திற்கு மணமேல்குடி வடக்கு ஒன்றிய திமுக செயலாளர் சக்தி ராமசாமி தலைமை தாங்கினார். ஒன்றிய இளைஞரணி அமைப்பாளர் பிரபுராமன் முன்னிலை வகித்தார். கூட்டத்தில் மும்பாலை வாக்குச்சாவடியில் நடைபெற உள்ள சட்டமன்றத் தேர்தலில் அதிக வாக்குகளை பெற பாக நிர்வாகிகள் கடுமையாக உழைக்க வேண்டும் என ஒன்றிய கழக செயலாளர் சக்தி ராமசாமி கேட்டுக்கொண்டார். கூட்டத்தில் மாவட்ட பிரதிநிதி குமரேசன், தொகுதி தகவல் தொழில்நுட்ப அணி ஒருங்கிணைப்பாளர் செந்தில் வேலன், ஒன்றிய ஒருங்கிணைப்பாளர் பாலமுருகன், மாவட்ட அயலக அணி துணை அமைப்பாளர் முகமது நலீம், மாவட்ட சிறுபான்மையினர் நலப்பிரிவு துணை அமைப்பாளர் குதுபுதீன் மற்றும் பாக முகவர்கள் நிர்வாகிகள் கலந்து கொண்டனர்.