நாமக்கல்: தியாகராஜ பாகவதர் 65-ஆவது நினைவு நாள் நிகழ்ச்சி

மறைந்த பழம்பெரும் நடிகர் தியாகராஜ பாகவதரின் நினைவு நாள் நிகழ்ச்சி நாமக்கல்லில் நடைபெற்றது.நாமக்கல் தியாகராஜ பாகவதர் நற்பணி சங்கத்தின் சார்பில் பாகவதரின் 65-ஆவது நினைவு நாள் நிகழ்ச்சி நாமக்கல் அண்ணாசிலை அருகில் நடைபெற்றது. இதையொட்டி, பாகவதர் நற்பணி மன்ற தலைவர் கோட்டை மணிவண்ணன், தியாகராஜ பாகவதரின் படத்திற்கு மலர்தூவி மரியாதை செலுத்தினார். நாமக்கல்லில் தியாகராஜ பாகவதருக்கு மார்பளவு சிலை அமைக்க வேண்டும் என்று தமிழக முதல்வர் ஸ்டாலின், துணை முதல்வர் உதயநிதி மற்றும் மாநிலங்களவை உறுப்பினரும், நாமக்கல் கிழக்கு மாவட்ட செயலாளருமான ராஜேஷ்குமார் எம்பி, அமைச்சர் மதி வேந்தன், நாமக்கல் சட்ட மன்ற உறுப்பினர் ராமலிங்கம் எம்எல்ஏ மற்றும் மாநகராட்சி மேயர் கலாநிதி ஆகியோருக்கு கோரிக்கை வைக்கப்பட்டது. தியாகராஜ பாகவதரின் புகழை பரப்பும் வகையில் அவரது பாடல்கள் பாடப்பட்டன. திருச்சியில் தியாகராஜ பாகவதருக்கு மணிமண்டபம் மற்றும் முழு உருவ வெண்கல சிலையயை திறந்து வைத்த தமிழக முதல்வர் அவர்களுக்கு இத்தருணத்தில் எங்களது மன்றத்தின் சார்பில் நன்றியை தெரிவித்துக் கொள்கின்றோம்.நிகழ்ச்சியில் குமுதம் நாகராஜன்,கிருஷ்ணமூர்த்தி, வழக்கறிஞர் நக்கீரன், ஸ்டுடியோ ரவி,நடராஜன்,செல்வம் , பாண்டியன், சபரிநாதன், சரவணன், மாதேஸ்வரன்,ரவிச்சந்திரன்,பேராசிரியர் திருமுருகன் ,ஜெயராமன், அன்பரசன் , முத்துசாமி, நரசிம்மன் , நவாப் ஜான், ராஜகோபால், துரைசாமி, மருதமுத்து, டெல்லி பழனிசாமி,செல்வம், மற்றும் மன்ற நிர்வாகிகள் குணசேகரன், கோவிந்தராஜு, குணா,தமிழ்செல்வன், துரைவேல், மற்றும் பலர் கலந்து கொண்டனர்.