100% வாக்களிக்க நாமக்கல் வார சந்தையில் தேர்தல் விழிப்புணர்வு!

நாமக்கல்- திருச்செங்கோடு சாலை, நகராட்சி அலுவலகம் அருகில் உள்ள சனிக்கிழமை வார சந்தையில் நேர்மையான முறையில் 100% சதவீத வாக்களிக்க வேண்டும் என்று, காய்கறிகள் வாங்க வரும் பொதுமக்கள் மற்றும் வியாபாரிகளுக்கு விழிப்புணர்வு துண்டு பிரசுரங்கள் மாவட்ட நிர்வாகம் சார்பில் வழங்கப்பட்டது.மேலும்,சந்தைக்கு சரக்கு ஏற்றிச் செல்லும் ஆட்டோக்கள் மற்றும் கனரக வாகனங்களில் தேர்தல் சம்பந்தமான விழிப்புணர்வு ஸ்டிக்கர் ஒட்டப்பட்டது. இந்நிகழ்வில் திட்ட அலுவலர் மகளிர் திட்டம் கு.செல்வராசு நகராட்சி ஆணையாளர் சென்னு கிருஷ்ணன், ரெட்கிராஸ் மாவட்ட செயலர் சி.ஆர்.இராஜேஸ் கண்ணன் மற்றும் அரசு அலுவலர்கள் கலந்து கொண்டனர்.