பேருந்தில் அரசு ஊழியரிடம் பணம் திருடிய 3 பெண்கள் கைது

விழுப்புரம் மாவட்டம் கண்டமங்கலம் பகுதியைச் சேர்ந்தவர் ஜீவா. இவர் திருவெண்ணெய்நல்லூர் வட்டார வளர்ச்சி அலுவலகத்தில் பணியாற்றி வருகிறார். நேற்று பேருந்தில் விழுப்பு ரம் நோக்கி சென்று கொண் டிருந்தார். அப்போது மாதா கோயில் பேருந்து நிறுத்தம் என்ற இடத்தில் வந்தபோது மூன்று பெண்கள் அவரது ஹேண்ட் பேக்கில் இருந்து ரூ. 2000 பணத்தை திருடியுள்ளனர்.

சுதாரித்துக் கொண்ட ஜீவா பொதுமக்கள் உதவியுடன் மூன்று பேரையும் கையும் களவுமாக பிடித்து நகர காவல் நிலையத்தில் ஒப்படைத்தார். விசாரணையில் திருவண்ணாமலை மாவட்டம் சாந்தி நகரை சேர்ந்த அனிதா (28), மகேஸ்வரி(25), ராதிகா (43) என்பது தெரிய வந்தது. தொடர்ந்து மூன்று பேரையும் கைது செய்த போலீசார் அவர்களிடம் இருந்து ரூ.2000 பணத்தை பறிமுதல் செய்து ஜீவாவிடம் ஒப்படைத்தனர்.