சேலம் கொண்டலாம்பட்டி அருகே லாரி டிரைவரை தாக்கிய 4 வாலிபர்கள் கைது

திருச்சி மாவட்டம் முசிறி பகுதியை சேர்ந்தவர் வடிவேல் (வயது 43). லாரி டிரைவர். இவர் நேற்று முன்தினம் சேலம் கொண்டலாம்பட்டி பகுதியில் புறவழிச்சாலையில் லாரியை ஓட்டி வந்தார். அப்போது அந்த வழியாக 4 பேர் மோட்டார் சைக்கிளில் வந்தனர்.

பின்னர் திடீரென்று அவர்கள் லாரியில் மோதுவது போல் மோட்டார் சைக்கிளை ஓட்டி வந்து உள்ளனர். இதை டிரைவர் தட்டி கேட்டார். அப்போது அவர்களுக்குள் தகராறு ஏற்பட்டு உள்ளது. இதில் ஆத்திரம் அடைந்த 4 பேரும் சேர்ந்து டிரைவர் வடிவேலை தாக்கி உள்ளனர். இதில் பலத்த காயம் அடைந்த அவர் சேலம் அரசு ஆஸ்பத்திரியில் சேர்க்கப்பட்டு சிகிச்சை பெற்று வருகிறார்.

இது குறித்து அவர் கொண்டலாம்பட்டி போலீசில் புகார் கொடுத்தார். அதன்பேரில் போலீசார் வழக்குப்பதிவு செய்து விசாரணை நடத்தினர். அப்ேபாது ஜி.கே.காட்டூர் பகுதியை சேர்ந்த அருணாசலம் மகன் அருள்முருகன் (24), ராகேஷ் மோகன் மகன் ஆகாஷ் (25), சித்துராஜ் மகன் பிரபாகரன் (21), சேகர் மகன் சுனில்குமார் (21) ஆகிய 4 பேர் டிரைவரை தாக்கியது தெரியவந்தது. இதையடுத்து அவர்கள் 4 பேரையும் போலீசார் கைது செய்தனர்.