லாரி மோதி கல்லுாரி மாணவர் பலி!

திருமயம்: சிவகங்கை மாவட்டம் கமுதி தாலுகா பங்களா புதுக்குடி கிராமத்தை சேர்ந்தவர் சூரியா (21). இவரது நண்பர் சதீஷ்கண்ணன்(21) இவர்கள் இருவரும் சிவகங்கை மன்னர் துரை சிங்கம் கல்லூரியில் படித்து வருகின்றனர். நேற்று புதுக்கோட்டை நோக்கி பைக்கில் சென்றனர். திருமயம் புறவழிச்சாலையில் சென்றபோது புதுக்கோட்டையில் இருந்து வந்த திருமயம் நோக்கி வந்த லாரி எதிர்பாராதவிதமாக பைக் மீது மோதியது. இதில் சூரியா அதே இடத்தில் உயிரிழந்தார். சதீஷ்கண்ணன் படுகாயத்துடன் புதுக்கோட்டை அரசு மருத்துவக்கல்லுாரி மருத்துவமனையில் அனுமதிக்கப்பட்டுள்ளார். திருமயம் போலீசார் வழக்குப்பதிந்து லாரி டிரைவர் செந்தில்குமார் (37) என்பவரை கைது செய்து விசாரணை மேற்கொண்டுள்ளனர்.