அடுத்தடுத்து 3 கார்கள் மோதி விபத்து

தென்காசி மாவட்டம் தென்காசி புதிய பேருந்து நிலையத்திலிருந்து செங்கோட்டை நோக்கி தென்காசி மேம்பாலத்தில் வந்து கொண்டிருந்த அரசு பேருந்து ஒன்று எதிர்பாராத விதமாக முன்னே சென்று கொண்டிருந்த கார் மீது மோதியது. இதன் தொடர்ச்சியாக அந்த கார் மற்றொரு கார் மீது என 3 கார்கள் வரிசையாக சேதமடைந்தன. இதில் ஒரு காருக்கு கண்ணாடிகள் உடைந்தன. இதில் காரில் பயணம் செய்தவர்கள் அதிர்ஷ்டவசமாக உயிர் தப்பினர். இது குறித்து தென்காசி போக்குவரத்து போலீசார் விசாரித்து வருகின்றனர் என்பதும் குறிப்பிடத்தக்கது .