விவசாயி மீது தாக்குதல் - 3 இளைஞர்கள் கைது, மேலும் ஒருவருக்கு வலை

திருவண்ணாமலைமாவட்டம், வந்தவாசி அடுத்த புலிவாய் கிராமத்தைச் சேர்ந்தவர் நடேசன் மகன் யமுனா (வயது 52), விவசாயி. இவர் கடந்த 29ம்தேதி இரவு 11மணியளவில் தனது விவசாய நிலத்திற்கு ஏரிக்கரை மீது டார்ச் லைட் அடித்தபடி சென்றுள்ளார். அப்போது அதே கிரா மத்தை சேர்ந்த சிவா(வயது 32), சசிக்குமார்(வயது30), குணா (வயது32), கோவிந்தன் (வயது42) ஆகியோர் ஏரியில் இருந்து டிராக்டரில் மண் அள்ளிக்கொண்டிருந்ததாகக் கூறப்படுகிறது.யமுனா டார்ச் லைட் அடித்தபடி வந்ததை பார்த்த சிவா உள் ளிட்ட 4பேரும், 'ஏன் டார்ச் லைட் அடித்து எங்களைப் பார்த்தாய்' எனக்கேட்டு யமுனாவிடம் தகராறு செய்துள்ளனர். இதனால் வாக்குவாதம் முற்றியதில் ஆத்திரமடைந்த 4 பேரும் சேர்ந்து யமுனாவை சரமாரி தாக்கியுள்ளனர். இதில் படுகாயம் அடைந்த யமுனா வந்தவாசி அரசு மருத்துவமனையில் அனுமதிக்கப்பட்டார். இதுகுறித்து யமுனா வந்தவாசி வடக்கு போலீசில் நேற்று புகார் செய்தார். அதன்பேரில்சப்-இன்ஸ்பெக் டர் ராம்குமார் வழக்குப் பதிவு செய்து சசிக்குமார், குணா, கோவிந்தன் ஆகிய 3பேரை நேற்று கைது செய்தார். பின்னர் 3 பேரையும் வந்தவாசி கோர்ட்டில் ஆஜர்படுத்திக் கிளை சிறையில் அடைத்தனர். மேலும் தலைமறைவாக உள்ள சிவாவை தேடிவரு கின்றனர்