வாக்களிப்பது குறித்து விழிப்புணர்வு !

கள்ளக்குறிச்சி மற்றும் கல்வராயன்மலையில் உள்ள வெள்ளிமலை, கரியாலுார் சுற்று வட்டார கிராமங்களில் லோக்சபா தேர்தலையொட்டி 100 சதவீதம் ஓட்டளிப்பதின் முக்கியத்துவத்தை வலியுறுத்தி பொதுமக்களிடையே விழிப்புணர்வு ஏற்படுத்தப்பட்டது. ஒருங்கிணைந்த குழந்தைகள் வளர்ச்சி திட்ட பணிகள் சார்பில் குழந்தைகள் பல மைய பணியாளர்கள் மூலம் பஸ்கள், வாகனங்கள், வீடுகளுக்கு செல்லும் காஸ் சிலிண்டர்கள், குடிநீர் கேன்கள் ஆகியவற்றில் விழிப்புணர்வு ஸ்டிக்கர் ஒட்டப்பட்டது. மேலும், பொது மக்களிடையே 100 சதவீத ஓட்டளிப்பது குறித்த விழிப்புணர்வு துண்டு பிரசுரங்கள் வழங்கப்பட்டது.