மின்சாரம் சேமிப்பு குறித்து விழிப்புணர்வு பேரணி

காஞ்சிபுரம் ஊரக பிரிவு உபகோட்டம் சார்பில், மதுரமங்கலம் அரசு மேல்நிலைப் பள்ளி மாணவ மாணவியரின் மின்சாரம் சிக்கனமாக பயன்படுத்துவது குறித்த விழிப்புணர்வு பேரணி நடந்தது. இந்த விழிப்புணர்வு பேரணிக்கு, காஞ்சிபுரம் ஊரக பிரிவு உதவி செயற்பொறியாளர் ஹரிஹரன் தலைமை வகித்து, மாணவர்களின் விழிப்புணர்வு பேரணியை துவக்கி வைத்தார். முக்கிய வீதிகளின் வழியாக பேரணி சென்று, மீண்டும் பள்ளி வளாகத்தை சென்றடைந்தது. இதில், மின்சாரம் சிக்கனமாக பயன்படுத்துவது குறித்து, துணை மின் நிலைய உதவி பொறியாளர் ராஜேஷ் கண்ணா துண்டு பிரசுரம் கொடுத்து விழிப்புணர்வு ஏற்படுத்தினார்.