நில புரோக்கர் வீட்டில் திருட்டு - மேலும் ஒருவர் கைது

கன்னியாகுமரி மாவட்டம் குளச்சல் உடையார் உளை பகுதியை சேர்ந்தவர் கார்லூஸ் (63) நில புரோக்கர். கடந்த 8-ம் தேதி அவர் தனது வீட்டில் வைத்திருந்த பணம் ரூ 1.70 லட்சத்தை காணவில்லை. அப்பகுதி சிசிடிவி கேமராவை ஆய்வு செய்ததில் சம்பவம் நடந்த இடத்தில் பழைய பொருட்கள் சேகரிக்கும் நான்கு பேர் வேகமாக திரும்பி செல்லும் காட்சி பதிவாகி இருந்தது. இதன் அடிப்படையில் குளச்சல்  போலீசார் நபர்களை தேடி வந்தனர். 

இந்த நிலையில் திருட்டு சம்மந்தமாக  கடந்த 9ம் தேதி குளச்சல் பள்ளி சந்திப்பில் வைத்து கொட்டாரத்தை சேர்ந்த சின்னதுரை (23) என்பவர் கைது செய்யப்பட்டார். மற்ற மூன்று பேரை போலீசார் தேடிவந்த நிலையில் கடந்த 26 ஆம் தேதி ராஜாக்கமங்கலம் பகுதி சேர்ந்த சின்னராசு (29) என்பவர் கைது செய்யப்பட்டார் இந்த நிலையில் நேற்று நெல்லை மாவட்டம் பழவூர், சிவன் கோவில் தெருவை சேர்ந்த சுரேஷ் கோபி (23) என்பவரை போலீசார் கைது செய்து இரணியல் கோர்ட்டில் ஆஜர் படுத்தினர்.   இந்த வழக்கில் இதுவரை மூன்று பேர் கைது செய்யப்பட்டுள்ள நிலையில், தலைவராக உள்ள மற்றொருவரும் சிக்கினால் தான் திருடிய பணத்தை மீட்க முடியும் என போலீசார் தெரிவித்தனர்.