வாக்கு எண்ணும் மையத்தில் தேர்தல் பார்வையாளர் ஆய்வு

தஞ்சாவூர் மக்களவைத் தொகுதி வாக்கு எண்ணும் மையமான குந்தவை நாச்சியார் அரசு மகளிர் கலைக் கல்லூரியில் தேர்தல் பொதுப் பார்வையாளர் வ.கிகேட்டோ சேம புதன்கிழமை ஆய்வு செய்தார். தஞ்சாவூர் மக்களவைத் தொகுதிக்கு வாக்கு எண்ணும் மையமாக குந்தவை நாச்சியார் அரசு மகளிர் கலைக்கல்லூரி தேர்வு செய்யப் பட்டுள்ளது. இந்த மையத்தில் ஜூன் 4 ஆம் தேதி வாக்கு எண்ணிக்கை நடைபெறவுள்ளதையொட்டி, முன்னேற்பாடு பணிகள் குறித்து தேர்தல் பொதுப்பார்வையாளர் வ.கிகேட்டோ சேம புதன்கிழமை ஆய்வு செய்தார். அப்போது,இம்மையத்தில் செய்யப்பட்டுள்ள ஏற்பாடுகள் குறித்து மாவட்ட ஆட்சியரும், மாவட்டத் தேர்தல் நடத்தும் அலுவலருமான தீபக் ஜேக்கப் விளக்கம் அளித்தார். இந்த ஆய்வின்போது மாவட்ட வருவாய் அலுவலர் தெ. தியாகராஜன், ஊரக வளர்ச்சி முகமை திட்ட இயக்குநர் பாலகணேஷ், தஞ்சாவூர் கோட்டாட்சியர் செ.இலக்கியா உள்ளிட்டோர் உடனிருந்தனர்.