மின்சார சிக்கன விழிப்புணர்வு பேரணி

சேலம் மேற்கு கோட்ட மின் வாரியம் சார்பில் மின் சிக்கன வார விழாவையொட்டி விழிப்புணர்வு ஊர்வலம் நடைபெற்றது. சாரதா கல்லூரி எதிரில் தொடங்கிய இந்த ஊர்வலத்தை மின்வாரிய செயற்பொறியாளர் ராஜவேல் தலைமை தாங்கி கொடியசைத்து தொடங்கி வைத்தார். இதில் சொர்ணபுரி உதவி செயற்பொறியாளர் கணேசன், சூரமங்கலம் உதவி செயற்பொறியாளர் அசோகன், கருப்பூர் உதவி செயற்பொறியாளர் ரமேஷ்குமார், செவ்வாய்பேட்டை உதவி செயற்பொறியாளர் லாவண்யா மற்றும் மின்வாரிய பொறியாளர்கள், களப்பணியாளர்கள் உள்பட பலர் கலந்து கொண்டனர். முக்கிய வீதிகள் வழியாக சென்ற ஊர்வலத்தில் மின்சார சிக்கனம் மற்றும் பாதுகாப்பு குறித்து பொதுமக்களுக்கு துண்டு பிரசுரங்கள் வழங்கி விழிப்புணர்வு ஏற்படுத்தினர்.