மதுபாட்டில் விற்ற நால்வர் கைது

தென்காசி மாவட்டம் புளியங்குடி அருகில் உள்ள சேர்ந்தமரம் காவல் நிலையத்திற்கு உட்பட்ட பகுதிகளில் மது பாட்டில்கள் பதுக்கி வைத்திருப்பதாக போலீசாருக்கு ரகசிய தகவல் கிடைத்தது. தகவலின் பேரில் சேர்ந்தமரம் போலீசார் தீவிர சோதனையில் ஈடுபட்டனர்.அப்போது பெட்டி பெட்டியாக மது பாட்டில்களை பதுக்கி வைத்திருந்த 4 பேரை கைது செய்தனர். இவர்களிடமிருந்து 214 மது பாட்டில் மற்றும் பணம் பறிமுதல் செய்து போலீசார் விசாரணை மேற்கொண்டு வருகின்றனர் என்பதும் குறிப்பிடத்தக்கது.