ரவுடி கொலை வழக்கில் 3 பேருக்கு குண்டாஸ்
மயிலாடுதுறையில் மார்ச் 20 ஆம் தேதி இரவு கலைஞர் காலனி சேர்ந்த ரவுடி அஜித்குமார் என்பவரை ஒரு கும்பல் வெட்டி கொன்றது. அது தொடர்பாக 11 பேர் கைது செய்யப்பட்டு ஆறு பேர் குண்டாசில்- மேலும் 3பேர் குண்டாசில் அடைப்பு.
Update: 2024-05-15 15:43 GMT
குண்டாஸ்
மயிலாடுதுறை நகரில் மார்ச் 20-ஆம் தேதி ரவுடி அஜித்குமார் என்பவர் கொலை செய்யப்பட்ட வழக்கில் 11 பேர் கைது செய்யப்பட்ட நிலையில், அவர்களில் 6 பேர் ஏற்கெனவே குண்டர் தடுப்புச் சட்டத்தில் அடைக்கப்பட்டுள்ளனர். இந்நிலையில், இவ்வழக்கில் சிறையில் உள்ள சத்தியநாதன்(20), நாகராஜ்(27), சத்தியசீலன்(23) ஆகிய 3 பேர் மீதும் மயிலாடுதுறை மாவட்ட எஸ்.பி மீனா பரிந்துரையின் பேரில் மாவட்ட ஆட்சியர் ஏ.பி.மகாபாரதி குண்டர் தடுப்புச்சட்டத்தின்கீழ் அடைக்க உத்தரவிட்டார். அதன்பேரில், மாவட்ட ஆட்சியரின் உத்தரவு நகலை மயிலாடுதுறை டிஎஸ்பி திருப்பதி எடுத்துச் சென்று திருச்சி மத்திய சிறையில் ஒப்படைத்தார்.