கஞ்சா விற்பனை செய்த நபர் கைது

திருவாரூர் மாவட்டம் கூத்தாநல்லூர் வாழாச்சேரி பாலம் அருகே கஞ்சா விற்பனை செய்த கூத்தாநல்லூர் ஆய்க்குடி மெயின் ரோட்டை சேர்ந்த கண்ணன் என்பவரின் மகன் ராஜ்குமார் வயது 28 இவரை போலீசார் கைது செய்தனர். மேலும் அவரிடம் இருந்து விற்பனைக்கு வைத்திருந்த ஆயிரம் ரூபாய் மதிப்பிலான 100 கிராம் கஞ்சாவை போலீசார் பறிமுதல் செய்து சட்டபூர்வ நடவடிக்கை மேற்கொண்டனர் .

பொது மக்களுக்கு கேடு விளைவிக்கும் வகையில் கஞ்சா மற்றும் தடை செய்யப்பட்ட புகையிலை விற்பனையில் ஈடுபடும் நபர்கள் மீது குண்டர் தடுப்பு காவல் சட்டத்தின் கீழ் கடும் நடவடிக்கை மேற்கொள்ளப்படும் என எஸ்பி ஜெயக்குமார் எச்சரிக்கை விடுத்துள்ளது குறிப்பிடத்தக்கது.