கட்டுமான பொருட்களை திருடியவர் கைது

சேலம் அருகே உள்ள உத்தமசோழபுரம் சூளைமேடு பகுதியை சேர்ந்தவர் வினோத் (வயது 29). இவர் கட்டிட பணி மேற்பார்வையாளராக இருந்து வருகிறார். இவர் பணிபுரியும் இடத்தில் கடந்த 19-ந் தேதி அன்று கட்டுமானத்துக்கு பயன்படுத்தக்கூடிய இரும்பு உபகரண பொருட்கள் திருட்டு போனது. இது குறித்து அவர் கொடுத்த புகாரின் பேரில், கொண்டலாம்பட்டி போலீசார் வழக்குப்பதிவு செய்து விசாரித்தனர். இதில் கட்டுமான பொருட்களை திருடியது, அரியானூரை சேர்ந்த அருள்பிரகாஷ் (37) என தெரியவந்ததை அடுத்து அவரை போலீசார் கைது செய்தனர்.