மாமாஞ்சி அரசுப்பள்ளியில் தேசிய கணித தின விழா

சேலம் மாவட்டம் பெத்தநாயக்கன்பாளையம் ஒன்றியம் தும்பல் ஊராட்சி ஜாமாஞ்சி ஊராட்சி ஒன்றிய நடுநிலைப் பள்ளியில் கணித மன்றம் இயங்கி வருகிறது. இம்மன்றத்தின் வாயிலாக கணித மேதை சீனிவாச ராமானுஜன் பிறந்த நாள் விழா மற்றும் தேசிய கணித தின விழா கொண்டாடப்பட்டது.

இவ்விழாவிற்கு பள்ளி தலைமை ஆசிரியர் அன்பழகன் தலைமை வகித்தார். கணித மன்ற ஆசிரியர் சக்திவேல் வரவேற்றார். சீனிவாச ராமானுஜன் வாழ்க்கை வரலாறு மற்றும் கணித துறையில் இவரது சாதனைகள் குறித்து மாணவர்களுக்கு ஆசிரியர்கள் ராதா, பழனிமுத்து, சாந்தி, பிரகாசம், பெரியசாமி ஆகியோர் எடுத்துரைத்தனர்.

20 பெருக்கல் வாய்ப்பாடுகளை பல்வேறு நிலைகளில் பிழையின்றி கூறிய மாணவர்களுக்கு பாராட்டுச் சான்றிதழ் வழங்கி கவுரவிக்கப்பட்டது. முடிவில் ஆசிரியர் பெரியசாமி நன்றி கூறினார்.