நாகை : புதிய பள்ளி கட்டிடம் திறப்பு

நாகை மாவட்டம், திருமருகல் ஒன்றியம், திருக்கண்ணபுரம் அரசு மேல்நிலைப் பள்ளியில் நபார்டு வங்கி நிதி உதவியின் கீழ் செயல்படுத்தப்பட்ட திட்டம் 2023-24 ஆம் ஆண்டு ரூ.66 லட்சம் மதிப்பீட்டில் கட்டப்பட்டுள்ள 3 வகுப்பறை கட்டிடம் திறப்பு விழா நேற்று நடைபெற்றது.விழாவிற்கு பள்ளியின் தலைமை ஆசிரியர் வெங்கடசுப்பிரமணியன் தலைமை தாங்கினார்.

ஒன்றிய குழு உறுப்பினர்கள் ஆர்.டி.எஸ்.சரவணன்,அபிநயா அருண்குமார் ஆகியோர் முன்னிலை வகித்தனர்.இதில் நாகை மாவட்ட கலெக்டர் ஜானி டாம் வர்கீஸ்,தமிழ்நாடு மீன் வளர்ச்சி கழக தலைவர் கௌதமன்,தாட்கோ தலைவர் மதிவாணன்,மாவட்ட முதன்மை கல்வி அலுவலர் சுபாஷினி ஆகியோர் குத்து விளக்கு ஏற்றி பள்ளி கட்டிடத்தை மாணவ மாணவிகளுக்கு பயன்பாட்டிற்கு திறந்து வைத்தனர்.

இதில் ஒன்றிய குழு உறுப்பினர் ஆரூர் மணிவண்ணன்,பள்ளி மேலாண்மை குழு தலைவர் பரமேஸ்வரி மற்றும் மாணவ மாணவிகள்,ஆசிரியர்கள்,பள்ளி வளர்ச்சி குழு உறுப்பினர்கள்,மேலாண்மை குழு உறுப்பினர்கள்,பெற்றோர் ஆசிரியர் கழகத்தினர் கலந்து கொண்டனர்.