பைக் விபத்தில் ஒருவர் பலி

விராலிமலை ஒன்றியம், ராம கவுண்டன்பட்டியை சேர்ந்தவர் கோபாலகிருஷ்ணன் (47). விராலிமலை கார்கில் நகரில் குடும்பத்துடன் வசித்து வருகிறார். கோபாலகிருஷ்ணன் நேற்று முன்தினம் இரவு ராமகவுண்டம்பட்டியில் நடந்த கோயில் திருவிழாவுக்கு சென்றுவிட்டு பைக்கில் மகன் சந்தோஷ் (17), மைத்துனர் மகள் நாசினி (14) ஆகியோருடன் விராலிமலைக்கு வந்தார். மதுரை திருச்சி தேசிய நெடுஞ்சாலையில் விராலுார் அருகே வந்தபோது பைக் நிலைதடுமாறி சாலையின் நடுவில் இருந்த தடுப்பு கட்டையில் மோதியது.

இதில் படுகாயமடைந்த கோபாலகிருஷ்ணன் திருச்சியில் உள்ள தனியார் மருத்துவமனையில் சேர்க்கப்பட்டு நேற்று அதிகாலை உயிரிழந்தார். விபத்தில் சந்தோஷ், நாசினி ஆகியோர் லேசான காயத்துடன் தப்பினர். இதுகுறித்து விராலிமலை போலீசார் வழக்குப்பதிந்து விசாரணை நடத்தி வருகின்றனர்.