கல்லூரி பேருந்து மோதிய விபத்தில் ஒருவர் பலி

கிருஷ்ணகிரி மாவட்டம் போச்சம்பள்ளி அடுத்த நாகரசம்பட்டி பகுதியைச் சேர்ந்த பச்சையப்பன் என்பவர் மகன் கிருஷ்ணமூர்த்தி இவர் தனது வீட்டில் இருந்து போச்சம்பள்ளி நோக்கி வேலை நிமித்தமாக சென்ற பொழுது ஊத்தங்கரையில் செயல்பட்டு வரும் அதியமான் கலை மற்றும் அறிவியல் கல்லூரி பேருந்து இருசக்கர வாகனத்தில் வந்த நபரின் மீது மோதி விபத்து ஏற்பட்டது. இதில் கிருஷ்ணமூர்த்தி அங்கே தலை நசுங்கி சம்பவ இடத்திலேயே பரிதாபமாக உயிரிழந்தார். மேலும் அவருடன் வந்த நண்பர் படுகாயம் அடைந்து தற்போது கிருஷ்ணகிரி அரசு மருத்துவக் கல்லூரி மருத்துவமனையில் சிகிச்சை பெற்று வருகிறார். மேலும் இந்த விபத்தை ஏற்படுத்திய கல்லூரி பேருந்து ஓட்டுனர் பேருந்தை சாலையின் நடுவிலேயே நிறுத்திவிட்டு அங்கிருந்து தப்பி ஓடி தலைமறைவாயுள்ளார். இச்சம்பவம் இப்பகுதியில் பரபரப்பு ஏற்படுத்தியுள்ளது.