ஊத்தங்கரை : இருசக்கர வாகனம் மீது கார் மோதி விபத்து - பெண் பலி

கிருஷ்ணகிரி மாவட்டம் ஊத்தங்கரை அடுத்த கொண்டம்பட்டி கூட்ரோடு சாலை அருகே குப்பநத்தம் கிராமத்தைச் சேர்ந்த சித்ரா (44) மகன் மற்றும் மகள் வித்யாவுடன் இருசக்கர வாகனத்தில் ஊத்தங்கரை அரசு மருத்துவமனையில் உடல்நிலை குறைவால் சிகிச்சைக்காக சேர்க்கப்பட்டிருந்த உறவினர் ஞானவேலை பார்ப்பதற்காக சென்றனர்.

ஊத்தங்கரை நோக்கி வரும்போது எதிரே வந்த கார் இருசக்கர வாகனத்தில் மோதியது. இந்த விபத்தில் சம்பவ இடத்திலேயே சித்ரா பலியானார். மேலும் அவரது மகள் வித்யா கால் முறிவு ஏற்பட்டதில் மேல் சிகிச்சைகாக கிருஷ்ணகிரி அரசு மருத்துவமனையில் சேர்க்கப்பட்டுள்ளார். சித்ராவின் மகன் அதிர்ஷ்டவசமாக உயிர் தப்பிய நிலையில் சித்ராவின் உறவினர்கள் கார் ஓட்டுநரை உடனடியாக போலீசார் கைது செய்யவில்லை என்றால் சாலை மறியல் ஈடுபடுவோம் என போலீசாரிடம் வாக்குவாதத்தை ஈடுபட்டனர். அரசு மருத்துவமனை பகுதியில் இச்சம்பவம் பரபரப்பை ஏற்படுத்தி உள்ளது. மேலும் சம்பவம் தொடர்பாக ஊத்தங்கரை போலீசார் வழக்கு பதிவு செய்து விசாரணை மேற்கொண்டு வருகின்றனர்