தொழிலாளியை தாக்கிய போட்டோகிராபர் கைது 

கன்னியாகுமரி மாவட்டம் குளச்சல் அருகே பனவிளை, அம்பாள் நகரை சேர்ந்தவர் செல்வராஜ் (65).கூலி தொழிலாளி. இவர் தக்கலையில் செயல்படும் ஒரு சுய உதவி குழுவில் ரூபாய் 60 ஆயிரம் கடன் வாங்கி இருந்தார். இந்த கடன் தவணை வசூலிக்க சுய உதவிக் குழு ஊழியர்கள் 2பேர் சம்பவ தினம் செல்வராஜ் வீட்டிற்கு சென்று இருந்தனர். அப்போது அதே பகுதி சேர்ந்த போட்டோகிராபர் ராதாகிருஷ்ணன் (47) என்பவர் சுய உதவிக் குழு ஊழியர்களை துரத்தி அடித்துள்ளார்.இதையடுத்து செல்வராஜ், ராதாகிருஷ்ணனை தட்டி கேட்டுள்ளார். இதில் ஆத்திரமடைந்த ராதாகிருஷ்ணன், செல்வராஜன் வீடு புகுந்து தாக்கி கொலை மிரட்டல் விடுத்துள்ளார்.படுகாயம் அடைந்த செல்வராஜ் குளச்சல் அரசு மருத்துவமனையில் சிகிச்சை பெற்று வருகிறார். இது குறித்த புகாரின் பேரில் குளச்சல் போலீசார் ராதாகிருஷ்ணன் மீது வழக்கு பதிவு செய்து அவரை கைது செய்தனர்.