உதகையில் உறை பனி பொழிவு

நீலகிரி மாவட்டத்தில் இன்று உறை பனிக்கு வாய்ப்பு உள்ளதாக வானிலை ஆய்வு மையம் அறிவித்துள்ளது. இந்த நிலையில் உதகை நகர், படகு இல்லம், காந்தல், தலைக்குந்தா உள்ளிட்ட பகுதிகளில் உறைப்பனி பொழிவு காணப்பட்டது. காந்தல் பகுதியில் மேகமூட்டமாய் விழுந்துள்ள உறைபனியால் கடும் குளிர் நிலவுகிறது குறைந்தபட்ச வெப்பநிலையாக நகரப் பகுதியில் 2.8 டிகிரியாகவும் காந்தல், தலைகுந்தா உள்ளிட்ட பகுதியில் 1 டிகிரி வெப்பநிலையும் பதிவாகியுள்ளது.