திறனாய்வு தேர்வில் அசத்தல் - அரசு பள்ளி மாணவர்களுக்கு எஸ்பி பாராட்டு

தென்காசி மாவட்ட, எஸ்பி அலுவலகத்தில் வைத்து தேசிய திறனாய்வு தேர்வில் வெற்றி பெற்ற நெடுவயல் சிவசைலநாதர் நடுநிலைப் பள்ளி மாணவர்களுக்கு பாராட்டு விழா நடைபெற்றது. இந்த விழாவில் தென்காசி மாவட்ட காவல் கண்காணிப்பாளர் சுரேஷ்குமார் தலைமை வகித்து பள்ளி மாணவர்களை பாராட்டி  பரிசுகள் வழங்கினார். மேலும் மாணவர்கள் நன்கு படித்து அரசு பணிக்கு செல்ல வேண்டும் என்று அறிவுரை வழங்கினார். இந்த நிகழ்ச்சியில் ஏராளமான பள்ளி மாணவ மாணவிகளும் உள்ளிட்ட ஆசிரியர்களும் கலந்து கொண்டனர் என்பதும் குறிப்பிடத்தக்கது.