பொள்ளாச்சியில் பேருந்து கவிழ்ந்ததாக வதந்தியை கிளப்பிய மர்மநபர்

கோவை மாவட்டம் பொள்ளாச்சியில் இருந்து வால்பாறை செல்லும் வழியில் 13வது கொண்டை ஊசி வளைவில் இரவு பதினோறு மணியளவில் பேருந்து கவிழ்ந்து விட்டதாக ஆம்புலன்ஸ் ஓட்டுனருக்கு தகவல் வந்ததை அடுத்து ஆனைமலை பொள்ளாச்சி மீனாட்சிபுரம் உடுமலை பகுதியைச் சேர்ந்த 108 ஆம்புலன்ஸ் மற்றும் தனியார் ஆம்புலன்ஸ்கள் 13 வது கொண்டை ஊசி வளைவை நோக்கி பறந்து சென்றனர்.

இவர்களைத் தொடர்ந்து போலீசார் மற்றும் வனத்துறையினர் விரைந்து சென்று பார்த்தனர்.அப்பொழுது அங்கு விபத்து நடந்ததற்கான அறிகுறியே இல்லை என தெரிய வந்ததை அடுத்து யாரோ ஒரு மர்ம நபர் ஆம்புலன்ஸ்க்கு வதந்தியை கிளப்பியதால் இப்பகுதியில் நள்ளிரவில் பரபரப்பு நிலவியது.

மேலும் வதந்தியை கிளப்பிய மர்ம நபரை கண்டுபிடித்து அவர் மீது சட்டப்படி நடவடிக்கை எடுக்க வேண்டுமென ஆம்புலன்ஸ் ஓட்டுநர்கள் கோரிக்கை விடுத்துள்ளனர்.