தகராறில் ஈடுபட்ட மூன்று பேர் கைது!

கோவை:வாகராயம்பாளையத்தைச் சேர்ந்த பாண்டியன் (45) என்பவர் அப்பகுதியில் உள்ள விசைத்தறி குடோனுக்கு வேலைக்கு சென்று வருகிறார. இவரது மகன் சுரேஷ் (14) நேற்று முன்தினம் இரவு 08.30 மணியளவில் வீட்டிற்கு வெளியில் நடந்து வந்த போது அருகில் வசிக்கும் விஜய் என்பவர் எதிரில் நடந்து வந்தபோது எதிர் பாராமல் இருவரும் முட்டி கொண்டதால் வாக்கு வாதம் ஏற்பட்டு சிறிது நேரத்தில் இருவரும் சென்று விட்டனர். இந்நிலையில் இரவு 09.00 மணியளவில் விஜய் அவரது நண்பர்களான சரவணன் மற்றும் சூர்யா ஆகியோர்களுக்கு போன் செய்து வரவழைத்து பாண்டியிடம் தகாத வார்த்தைகளால் பேசி வாக்குவாதத்தில் ஈடுபட்டுள்ளார். வாக்குவாதம் முற்றி இரு தரப்பினர் இடையே கை கலப்பு ஏற்பட்ட நிலையில் பாண்டியை கீழே தள்ளி விட்டதில் அவருக்கு தலையில் அடிபட்டு உள்ளது.இதனையடுத்து அருகில் உள்ளவர்களின் உதவியுடன் பாண்டி கோவை அரசு மருத்துவமனைக்கு கொண்டு சென்று உள்நோயாளியாக சிகிச்சைக்கு சேர்க்கபட்ட நிலையில் அவர் பேசமுடியாத நிலையில் இருந்ததால் பாண்டி மனைவி மகேஸ்வரிடம் புகார் பெறப்பட்டு கருமத்தம்பட்டி போலீஸ் வழக்கு பதிவு செய்து தகராறில் ஈடுபட்ட மூவரையும் கைது செய்தனர்.