புதுச்சேரியில் இருந்து மது கடத்திய நான்கு பேர் கைது

திருவாரூர் அருகே கந்தங்குடி சோதனை சாவடிக்கை அருகில் வாகன சோதனையில் போலீசார் ஈடுபட்ட பொழுது அந்த வழியாக வந்த இருசக்கர வாகனத்தை சோதனை செய்தனர். அதில் வாகனத்தில் சட்ட விரோதமாக 40 லிட்டர் பாண்டி சாராயம் விற்பனைக்காக கடத்தி வந்தது தெரிய வந்தது.

வாகனத்தில் வந்த நபரை கைது செய்து விசாரணை செய்ததில், அவர் காரைக்கால் ராஜீவ் காந்தி நகரை சேர்ந்த  பாலசுப்பிரமணியன் என்பது தெரிய வந்தது. வேலங்குடி சோதனை சாவடியில் வாகன சோதனை செய்த போது காரில் சட்ட விரோதமாக விற்பனைக்காக கடத்தி வந்த மதி பாட்டில்களை போலீசார் பறிமுதல் செய்தனர் .

கடத்தலில் ஈடுபட்ட நபர்களை விசாரணை செய்ததில் காரைக்கால் ஹவுசிங் போர்டு பகுதியைச் சேர்ந்த பக்கிரி சாமி என்பவரின் மகன் பாலமுருகன் ,பாரதியார்ரோடு நேரு நகரை சேர்ந்த அருமைதாஸ் என்பவரின் மகன் அற்புதராஜ், பேபி காலனியை சேர்ந்த லூர்துசாமி என்பவரின் மகன் அமுல்ராஜ் ஆகியோர் கைது செய்யப்பட்டனர்.