ஊத்தங்கரை அருகே சாலை விபத்தில் இருவர் பலி

 கிருஷ்ணகிரி மாவட்டம் ஊத்தங்கரை அடுத்த பாம்பாறு அணை பகுதியில் திருவண்ணாமலை பகுதியில் இருந்து ஊறுகாய் லோடு ஏற்றுக்கொண்டு பெங்களூர் பகுதிக்கு சென்ற ஈச்சர் வாகனம் பாம்பார் அணை பகுதியில் வந்து கொண்டிருந்தபோது எதிர்திசையில் சிங்காரப்பேட்டை பகுதிக்கு சென்ற இருசக்கர வாகனம் மீது மோதி விபத்து ஏற்பட்டது.

இந்த விபத்தில் சிங்காரப்பேட்டை அம்பேத்கர் நகர் பகுதியில் சேர்ந்த பீபி சிங், அதே பகுதியைச் சேர்ந்த குமார் ஆகிய இருவரும் பலியாகினர் இவர்கள் ஊத்தங்கரை பகுதியில் இருந்து சிங்காரப்பேட்டை நோக்கி அவர்களது இருசக்கர வாகனத்தில் சென்று கொண்டிருந்தபோது எதிரே வந்த ஈச்சர் வாகனம் பஞ்சர் ஆகி முன் பகுதி டயர் வெடித்ததில் ஓட்டுநரின் கட்டுப்பாட்டை இழந்த வாகனம் எதிர் திசையில் சென்று எதிரே வந்த இருசக்கர வாகனம் மீது மோதி விபத்து ஏற்பட்டது.

விபத்தில் படுகாயங்கள் அடைந்த இருவரும் சம்பவ இடத்திலேயே உடல் நசுங்கி பலியாகினர் உடனடியாக தகவல் அறிந்து சம்பவ இடத்திற்கு வந்த ஊத்தங்கரை காவல்துறையினர் இருவரது சடலங்களையும் மீட்டு பிரேத பரிசோதனைக்காக ஊத்தங்கரை அரசு மருத்துவமனைக்கு அனுப்பி வைத்தனர் இந்த விபத்து இப்பகுதியில் பெரும் சோகத்தை ஏற்படுத்தி உள்ளது.