ஏரியூரில் அடையாளம் தெரியாத முதியவர் உயிரிழப்பு

தருமபுரி மாவட்டம், பென்னாகரம் சட்டமன்ற தொகுதிக்கு உட்பட்ட ஏரியூரில் கடந்த சில நாட்களாக முதியவர் ஒருவர் நடமாடி வந்தார். உணவுக்கு வழி இன்றி தவித்த முதியவருக்கு, ஏரியூர் பகுதி பொதுமக்கள் உணவு வழங்கி வந்தனர். இந்நிலையில் ஏரியூர் விநாயகர் கோவில் அருகில் அவர் பரிதாபமாக இறந்து கிடந்தார்.

இது குறித்து தகவலின் பேரில் சம்பவ இடத்திற்கு வந்த ஏரியூர் காவல்துறையினர் பிரேதத்தை கைப்பற்றி, பென்னாகரம் தலைமை மருத்துவமனைக்கு அனுப்பி வைத்தனர்.இது குறித்து ஏரியூர் காவல்துறையினர் வழக்கு பதிவு செய்து உயிரிழந்த முதியவர் யார்? எந்த ஊரை சேர்ந்தவர்? அவர் மனநலம் பாதிக்கப்பட்டவரா? என்பது குறித்து விசாரணை நடத்தி வருகின்றனர்.