பெண்ணை தாக்கிய வாலிபர் கைது

சேலம் கிச்சிப்பாளையம் பகுதியில் உள்ள மாரியம்மன் கோவிலில் கும்பாபிஷேக விழா நடைபெற்றது. இதில் அதே பகுதியை சேர்ந்த ஜோதிபாலா (32) என்பவர் தங்களது குடும்பத்தினருடன் கலந்து கொண்டார். அப்போது அங்கு ஏற்பட்ட தகராறில் ஜோதிபாலாவை அதே பகுதியை சேர்ந்த வேலவன் ( 22), உதயபிரகாஷ், ராஜாகுமரன் ஆகியோர் தாக்கியதாக கூறப்படுகிறது. இதுதொடர்பாக கிச்சிப்பாளையம் போலீஸ் நிலையத்தில் புகார் கொடுக்கப்பட்டது. அதன்பேரில் போலீசார் வழக்குப்பதிவு செய்து விசாரணை நடத்தினர். இதில் வேலவனை போலீசார் கைது செய்தனர். மற்றவர்களை போலீசார் தேடி வருகின்றனர்.