கையில் மது பாட்டிலுடன் சாலையில் ரகளை - வாலிபர்கள் கைது

குமரி மாவட்டம் ஆசாரிப்பள்ளம் அரசு மருத்துவக் கல்லூரி மருத்துவமனை எதிரே இன்று கையில் மது பாட்டிலுடன் ஒரே பைக்கில் மூன்று வாலிபர்கள் வந்தனர். அவர்கள் மருத்துவ கல்லுரி மாணவிகளை கேலி செய்தனர். இதை தட்டிக் கேட்ட மருத்துவக் கல்லூரியில் படிக்கும் மாணவர்களை தாக்க முயற்சித்தனர். தொடர்ந்து  ஆசாரிப்பள்ளம் போலீஸ் நிலையத்தின் முன்னே சுத்தி சுத்தி வந்த வாலிபர்கள் மருத்துவமனை வளாகம் எதிரில் வந்து கடைகளிலும் சென்று ரகளையில் ஈடுபட்டனர். இதுகுறித்து ஆசாரிப்பள்ளம் காவல் நிலையத்திற்கு இதுகுறித்து தகவல் அளித்தும் போலீசார் நடவடிக்கை எடுக்காததால் மூன்று வாலிபர்களும் அங்கிருந்து தப்பிச் சென்றனர். போலீஸ் நடவடிக்கை எடுக்காத சம்பவம் சமூக வலைத்தளங்களில் வெளியானது. இதை தொடர்ந்து, கையில் பாட்டிலுடன் ரகளையில் ஈடுபட்ட மூன்று வாலிபர்களை தனிப்படை காவல் உதவி ஆய்வாளர் ஆறுமுகம் தலைமையில் போலீசார் ஒரு மணி நேரத்தில் கைது செய்தனர்.