ஒரத்தநாடு உட்கோட்டம் பாப்பாநாடு காவல் சரகம் திருமங்கலக்கோட்டை மேலையூர் தெற்கு தெரு கற்பக விநாயகர் கோவிலில் 2017 ம் ஆண்டு நடைபெற்ற திருவிழாவின் போது நடந்த கலை நிகழ்ச்சியின் போது நடந்த சண்டையில் நிதீஷ் என்பவருக்கு காயம் ஏற்பட்டது. அவர் கொடுத்த புகாரின் பேரில் பாப்பாநாடு காவல் நிலையத்தில் வழக்கு பதிவு செய்து குற்றப்பத்திரிகை தாக்கல் செய்யப்பட்டு ஒரத்தநாடு நீதிமன்றத்தில் வழக்கு விசாரணை நடந்து வருகிறது வழக்கு விசாரணைக்கு முக்கரை புதுத்தெருவை சேர்ந்த ஜெயராமன் மகன் கவியரசன் என்பவர் வழக்கு விசாரணைக்கு ஆஜராகததால் நீதிமன்றம் அவருக்கு பிடியாணை பிறப்பிக்கப்பட்டு நீண்ட நாட்களாக நிலுவையில் இருந்த நிலையில் கவியரசனை கைது செய்ய ஒரத்தநாடு உட்கோட்டம் உதவி காவல் கண்காணிப்பாளர் சஹ்னாஸ் இலியாஸ் தலைமையிலான தனிப்படை தேடிய போது அவர் வெளிநாட்டுக்கு தப்பி சென்று தலைமறைவாக இருப்பது தெரிய வந்துள்ளது. எனவே அவருக்கு புது டெல்லி இமிகிரேஷன் அலுவலகத்தில் கண்காணிப்பு சுற்றறிக்கை அனுப்பப்பட்டு கண்காணித்து வந்தனர். இந்நிலையில் இன்று 27.01.25 ம் தேதி திருச்சி விமான நிலையம் வந்திறங்கிய கவியரசனை தனிப்படை போலீசார் கைது செய்து ஒரத்தநாடு நீதிமன்றத்தில் ஆஜர் படுத்தினர்.